MAHTABAN FARS

İşıqlı, parlaq ay.

Dastanlarda müxtəlif variantlarda rast gəlinir: mahtaban, mahu təvan, mahi-təvan.

Qarşıda əyləşib bir sultan kimi,

Canım alır zalım canalan kimi,

Bir dəstə gözəllə mahtaban kimi

Qırmızı geyinib, əlvan gəlibdi.

                    (“Dilsuz və Xəzangül”)

                          *

Çıxıbdır çəmən seyrinə,

Hürü qılmandı bu gələn.

Şöləsi düşüb cahana,

Mahu təvandır bu gələn.

            (“Bəhram-Gülxəndan”)

                          *

Heç bilmirsən fikrim, zikrim handadı,

O da mənim kimi yanhayandadı.

Öldürsən də bil ki, gözüm ondadı,

Dönübdür qılmanə, mahi-təvanə.

                                          (“Baxış-Leyla”)